skip to main |
skip to sidebar
lundi 27 avril 2009
ثمة حاجات كي نشوفهم قلبي يوجعني و المشكلة الي ديما نشوف فيهم!!!بالكش انا "حساسة برشة" و الا فهمي ثقيل.. تراه شوفو و قولولي بربي!!! شمعناها راجل ضرير يحط ميزان قدامو في قلب العاصمة وسط القهاوي المذخمة و خدمتو يوزن العباد بميات فرنك؟؟؟شمعناها راجل بقدرو و هيبتو عام 2009 يطبس يسيرج صباط فرخ واقف كالعرصة عند راسو؟؟؟ شمعناها مرا مقوسة ملوحة قدام دار ولدها في الشتاء متكية على كرهبتو تستنى في تاكسي؟؟؟ والا شمعناها مرا في قاطع الرقبة تفلح و راجلها يضرب في النفة قدام الدار؟؟اخطاني من قاطع الرقبة توة باهي شمعناها كي يبدا فمة ماتش كورة نولي ما نخرج من دارنا كان ما يسالني 200 حنش وين ماشية و منين باش نتعدى و كي نطل مالسطح كايني في نقل مباشر من غزة و اطفال الحجارة يضربوا اللوطة؟؟؟ شمعناها الذكي بوهالي و البهيم يقرص و يدو تحتو و النية خبيث و الفدلاك يتكومك؟؟؟؟ شمعناها كي نحب نشري جريدة ما نلقاهاش و كي منحبش نشري جريدة اخرى يقريوني فيها بالسيف؟؟؟ شمعناها كي ندشنو حاجة جديدة هوني لازم نزينو البلاصة بالزنسفوري؟؟؟شمعناها كي نحب "نوصل" لازم يختارولي ثنيتي؟؟وين نوصل؟؟كان عالخدمة قالولي "حقك" ..كان عالجاه ماحاجتيش بيه خاطر كلنا بقدرنا تسمع فيا؟؟كلنا بقدرنا!!! وكان عالفلوس ما نحبش "نوصللهم" كبفك باهي؟؟ و هكة و الا هكة انتي باش تاخوهملي مبعد و انا غنية بلاش بيك و من غير ثنيتك و انتي بفلوسك و فلوسي و فلوس الناس كل فقير
|
Inscription à :
Publier les commentaires (Atom)
|
Archives
مرحبا زارتنا البركة.. قول الي في قلبك الكل و اش عليك في الباقي