jeudi 15 octobre 2009
الى احلام مستغانمي بعد البحث و التمحيص

عزيزتي احلام , و ان كنت يوما ما شعارا لي , فانني اليوم اعلنت استقلالي عن حدودك الادبية , فسوقك الحرة ما عادت سليلة سوق عكاظ , بيد ان الازمة الاقتصادية اثرت فيك بعض الشئ.فالقرص المرفق على ما فيه من بديع اعمال "جاهدة" , يبقى دليلا على اقحام اعمالك الادبية , فلذات كبدك ,للسوق الاستهلاكية المخيفة..
اعتقد ان كتابك من علبك بقدر هام من المال (ربي يزيدك) و من الاطراءات الروتينية شبيهة "تونس بلدي التلني حبايبييي" ... ولكن مع الاسف , اعم في المقابل فقرا ادبيا مدقعا و جحودا فكريا و اسلوبا وتيريا ,فان كان هذا ما حال اليه دور الكاتب اليوم فلن نسكت و نقول على الدنيا السلام . لو كنت تعتقدين سيدتي انك اليوم بكتابك "نسيان" انسيتنا حجمنا الحقيقي ,كنساء,بادعائك الضعف فينا و جعل الذكور واب من الاهوال و "شخصك العظيم" منقذ للحائرات فانك اسات الظن فينا و في نفسك .
كانت ثقتك بنفسك تستهويني كثيرا و كانت حسب اعتقادي تليق بك ايام "عابر سرير" و " ذاكرة الجسد" , اما اليوم ف فقد حافظت على نفس التوجه و صارت الثقة بالنفس "حمى عظمة" و هوس شهرة و "استخفاف" بقريحة القارئ.ما اكثر ما تحدثت عن نفسك في هذا الكتاب و كاننا بصدد قراءة سيرتك الذاتية. لو كان كل دكتور في علم الاجتماع "علامة" مثلك لما تاجل توقيع تقرير غلدستن و لا ظهرت انفلونزا الخنازيل و لا الكلاب..و اصافة الى اتمال تبنيك لادب السيرة مع عدم المصارحة و تاجيل الحكم,اكاد اجزم بانك قريبا ستلتجئين الى ادب الفقه’فالمعجم الديني و القدري لا يكاد يخفى عن عمياء.لماذا تكلفت كل هذا العناء؟اهو ايمان بضعف حال المسلمات ؟
غادري برجك العاجي و تعرفي على الجنسين من جديد ,فقد تجاوزنا ما اوردته من اشكال.فكاني بالنساء كلهن ممشوقات القوام ضحوكات رقيقات يبكيهن هديل الحمام ,الم تسمعي بالكاهنة و الجازية و الخنساء و ولادة و و و ...طيب,دعينا من الشهيرات,اولم تسمعي بجاراتك في الرديف و شقيقاتك في فلسطين و بنات جنسك في اثيوبيا و الصومال ؟؟ و الله لو قران كتابك لضحكن و خشين تهمة التشبه بالرجال .الم تسمعي ببطش الحلاقات؟؟ باللئيمات الاتي مررن عبر الحقبات و مازال غيرهن كثيرات ,فهن ينجبن في الخمسينات لضمان تداول مشعل اللؤم ,و كما يقول المثل و الحال انك اثبت في كتابك عشقك لاحاديث المقصورات "كب الطنجرة على فمها تطلع البنية لامها

يؤسفني ان يكون "نسيان" بوادر لنسيانك,و لكن تبقى الدعوة مفتوحة للتقرب من الجنسين اليوم و النظر الى علاقتهما باكثر موضوعية و الاستنجاد في اقرب وقت ممكن بمراة علها تعكس لك شكل شخصك الدفين لتتبيني الحجم الحقيقي للاشياء و وطاة الارض , فكثرة استهلاك العاج مخل بالمنظومة البيئية.
وفي اطار ما التمسناه في شخصك الجليل من تحمس للتعرف على اراء القراء و ها قد اتيت تقريبا على كل ما اردت قوله بخصوص الاثر, و انطلاقا من كونك كما ذكرتي على علاقات شخصية بقرائك’عفوا,بقارئاتك,و طبعا ان اعتبرتني على خشونة لفظي و افتقاري للشعر الاشقر و القلب الباكي , من "الانثوات" استسمحك في هذا الاقتراح ..ما رايك لو غيرت اللون البني الفاقع الذي تضعينه في كل الصور تقريبا؟؟فربما سمكه و ثقله على شفتيك و تشابهه مع ما كانت تضعه الجدات , جعلك تتذكرين دائما "علة" الانتماء الى جنس حواء, فكلما هممت بتغيير وجهة نظرك او تحيينها ثقل عليك الامر و التجات الي زر الاعادة "ريبلاي" .. خبراء التجميل و الادب يدعونك الى نيل شرف المحاولة و في حال لم تنل النتائج رضائك , فغفوا سيدتي , لن نعوضك حينها عما فات , و لكن سنقاطع حينها "جديد المنتجات المستغانمية" بكل "ادب ذكوري" و "رقة انثوية" و نمضي الى من همه واقع الحياة..
و شكرا التوقيع : فتاة لا تنتمي الى حزب الحائرات تحب الرجل و لا يشعرها وجوده بالدونية

0

lundi 27 avril 2009
شمعناها؟؟؟
ثمة حاجات كي نشوفهم قلبي يوجعني و المشكلة الي ديما نشوف فيهم!!!بالكش انا "حساسة برشة" و الا فهمي ثقيل.. تراه شوفو و قولولي بربي!!! شمعناها راجل ضرير يحط ميزان قدامو في قلب العاصمة وسط القهاوي المذخمة و خدمتو يوزن العباد بميات فرنك؟؟؟شمعناها راجل بقدرو و هيبتو عام 2009 يطبس يسيرج صباط فرخ واقف كالعرصة عند راسو؟؟؟ شمعناها مرا مقوسة ملوحة قدام دار ولدها في الشتاء متكية على كرهبتو تستنى في تاكسي؟؟؟ والا شمعناها مرا في قاطع الرقبة تفلح و راجلها يضرب في النفة قدام الدار؟؟اخطاني من قاطع الرقبة توة باهي شمعناها كي يبدا فمة ماتش كورة نولي ما نخرج من دارنا كان ما يسالني 200 حنش وين ماشية و منين باش نتعدى و كي نطل مالسطح كايني في نقل مباشر من غزة و اطفال الحجارة يضربوا اللوطة؟؟؟ شمعناها الذكي بوهالي و البهيم يقرص و يدو تحتو و النية خبيث و الفدلاك يتكومك؟؟؟؟ شمعناها كي نحب نشري جريدة ما نلقاهاش و كي منحبش نشري جريدة اخرى يقريوني فيها بالسيف؟؟؟ شمعناها كي ندشنو حاجة جديدة هوني لازم نزينو البلاصة بالزنسفوري؟؟؟شمعناها كي نحب "نوصل" لازم يختارولي ثنيتي؟؟وين نوصل؟؟كان عالخدمة قالولي "حقك" ..كان عالجاه ماحاجتيش بيه خاطر كلنا بقدرنا تسمع فيا؟؟كلنا بقدرنا!!! وكان عالفلوس ما نحبش "نوصللهم" كبفك باهي؟؟ و هكة و الا هكة انتي باش تاخوهملي مبعد و انا غنية بلاش بيك و من غير ثنيتك و انتي بفلوسك و فلوسي و فلوس الناس كل فقير

0

vendredi 3 avril 2009
الى ثلة من المتكعلصين المجهولين الفواضل
عندي مدة ما كتبت شيئ و برشة "مجهولين" يسخايلوني استجبت لرغبتهم المتمثلة في تركي للكتابة او "نصحهم " لي بذلك. اخواني مجهولي الهوية جيتكم عزيزة اما طلبكم بالطبيعة مرفوض.اولا خاطر حججكم ما اقنعتنيش كما ينبغي خيث ان البعض منكم "تبلانجا" عليا من غير "مايو" يكبلي في سعدي "بالتي هي احسن" قال شنوة انا متطفلة على المجال و بقعتي في الكوجينة.وثانيا خاطرهم "ما مدوش وجوهم" كما ينبغي بالعنوان متاعهم و الا حتى اسماءهم الاصلية و انما اتوا باسماء مقتبسة عيني عينك من المنتجات التلفزية التركية.و يا حسرة على اسامي العادة و العوايد.لا محمد لا عمر لا كريم لا خالد لا والو. الي اسمو "ريان" و الي "ثامر" و الي "مازن" و غيرهم من ذوي العقد النفسية الناجمة عن عدم تقبلهم لواقعهم.اما عفوا يا شسمك انا راني مانيش دكتور "فيل" الي تبقق في عينيك فيه هو و غيرو من منتجات ال م.ب.س تفاهة الفضائية و بعد تقص على مدونتي "كالبسكلات" تقول خنفددها بشوية تعاليق.انا نقترح على بعض البؤساء منكم كان يمشي يتعلم كيفية رسم الهمزة في اللغة العربية كخطوة اولى لمغادرة ثقافتهم المهندية باش كي يكتب تعليق ما يحشمش روحو. و تفكرت توة هاك اللقيط(بما انه مجهول) الي قالي "بر امتهن الخياطة خيرلك راك ماكش باش توصل تتفوق على المدونين متاعنا" انا المجهول هذا كان نشدو لما انحيلو حوايجو بعدها السيد يحتقر في مهنة الخياطة.مالة ينزع دبشو و يبقى عريان كي مخو بالظبط.و بعد هذا و دونو شكون قالو الي انا نحب انافس المتواجدين.هذا فكرني بهاك الحثالة الي "يامرون بالمعروف" في طنبك الحضب و المعامع.تلقاه لا يعرف لا الضارب لا المضروب اما يكتفي بسرد المواعض من نوع "تي صليوا عالنبي راكم رجال موش متاع هذا" و لوج عاد شنوة "هذا" يندرى يقصد بها العرك و الا الهزيمة و بالطبيعة في قالب عركة المعنى الثاني اصح و يزيدوا "الاكباش" يلحموا و يبداو الحثالة لاعبينها ابطال قد ما تاكل بعضها اكثر و كعبة الشماتة و اللذة في قلوبهم قد راس البقري..مالة يا حثالة العصر المنفتحين على عالم الانترنت الي انا حقيقة مستخسرتها في الفصائل الي كيفكم ما عندكم وين توصلو معايا هاوكة سبقتهالكم و نعاودلكم مايسالش نعرفكم فهمك ثقيل و على درجة كبيرة من الطسطيك راني انا مانيش هوني لغاية منافسة القدامى و "المتزلزين" كيما قال احد المنحطين منكم و علاقتي طيبة بيهم و لن تشوبها شائبة.
و اخيرا من اهم دواعي اتيقيري منكم هو انكم قاعدين ادعمو في ازمة الهوية التي نعيشها على مضض.تي السردوك ساقيه في الخرا وهو يذن؟؟؟

3

jeudi 19 mars 2009
تونسنا البية
قالوا "ريحة البلاد يابا ورد و ياسمين يابا يابا"
شمسيت ضربتني ريحة الكيران الخرد و الصبابط المهرية و السكارى و هفت عليا ريحة النوم خارجة مالشبابك ...وقعدت البلاد هي البلاد والورد غبر ماللي ماعاش فمة ربيع و الياسمين كملوه على ريوس مغنين قرطاج

قالوا "اهيم بتونس الخضراء"
لقيت روحي هائمة على وجهي فيها القناطر و البالاصات سدوا عليا النفس و عيطت "يا خضراء" جاوبوني "تقثم ؟"

قالوا "عسلامة عسلامة يا تونس عسلامة"
جاوب الاخر "اهلا صاحيبي سافان مقدمك مازالوا يقولو عسلامة" قتلو الاخرى "اي في برامج لبنان"

غناوا "معا من اجلها الخضراء"
قلتلها الكلام ساهل يا فنانتنا العزيزة مالبعيد والا "معا" مع ايقاف التنفيذ؟؟

قال "نموتوا نموتوا و يحي الوطن'"
غزرت نلقاه "يفبري" يا مواطن نحي هاك "الكيت" من وذنيك الساعة و استوي روحك و انت تقول في النشيد الوطني ..الوطن استخسرت فيه دقيقة من "ايبودك" زعمة تموت باش هوة يحي... زعمة

قال "يا حلوة انت يا تونس تونس تونس تونس"
غزرتلها لقيتها مدورة وجهها "شبيك يا تونس" قتلي "فديت مالتبزنيس و القفة الفارغة نعرف روحي محلاني اما ولادي توحشتهم و خايفة عليهم ...نسمع في جماعة منهم يبكيوا و جماعة ساكتين و جماعة ضايعين و جماعة هاملبن و جماعة ديما يشخروا راقدين... الكبدة مشومة و انا ما خليت ما عطيت...كبرت و عييت و حاجتي بيهم ...جبتهم من كرش وحدة و نحبهم ملمومين"

4

لا يحقلك حق

انا و اعوذ بالله من كلمة انا فيا "عفسة" مانحبش التنبير اما الشي اللي قاعد يصير ينطق الهوايش حاشاكم.ايا سيدي هاك الليلة قلت خنخرج من جحري ولا كيفما تسميه ماماتي "بيت السر" و نتواضع و نسهر مع الدار مريرة ما فيها باس. و فعلا دقني ربي و غادرت عالمي نلقى الجماعة "مبهمين " يتفرجوا في "اعادة 7 " في تمنييكة اسمها "الحق معاك" ..كمشة محامين و منشط حليلتو ملمومين "في الخير" في استوديو "مشره" حيث يسلم ربي و فليسات "كاكتوس" و مسجات الشعب و ليلا بيبي (يا حسرة عالحوالي توة حاشاكم حتى مالخرا عملولو مغارف ) اي عاد قتلكم الشكاية الاولى جا فيها محامي في الساقين..مرية هجالة رويجلها توفى في حادث شغل وكلت محامي "اصيان" باش تاخو الغرامة اللي قدرت ب 193 الف دنوس..و بالفعل و نحن في دولة العدالة و الكفاءات و الفرح الدائم ربح سي وخينا القضية..ولكن مسيرتو الطويلة في سلك المحاماة بكل ما تحمله مهنة المحاماة في تونس الخضراء من "جو عالمي في الشنقر ونقر "ما كفاتش صحيبنا و رقد على فليسات المرا يفندق و يبندق و هيا المغبونة تربي في اليتامى بالهواء و ماشية جاية كي الذكاء متاعنا ,على بيرو السيد و هوا يدوهن و يمهطل فيها لين حطت الساق عالساق و "تذكات" و طالبتو بنومرو القضية لتكتشف النايرة و تطالبو بفلوسها فيعترف لكن يطلب منها مديدة (بالتوقيت التونسي,حقا عاد ارتعوا فيها هاو حافظولنا عالسويعة باش نزيدو نشيييخو بالنوم العميق ) ايا فدت المرا مالمستنية كيفما فديتو انتوما توة و قالت فالحما يا اعلام و شايلله سيدي سامي...سيدي سامي ,يسود وجهي انا مايسالش, فريقو الصلاة عالنبي "ف.ب.ا" على حالها.يا سيدي مانكثرلكش الراجل شوية اخر يطبوا عليه في "التواليت" ...دون عاد الكاميرات الخفية و المؤثرات الصوتية تقول فيلم اكسيون و "النوار اي بلن" بالكش الصحفية عندها الحبوب ولى "البوان نوار" في وجهها انا قلت.. حاصيلو رغم مجهوداتهم "الجبارة " محامينا "المتهم" النسمة و حلق الواد...ايا كي ماعاش بيها وين وجهولوا انذاراتهم بكل حزم..اااه وييي نحن لا نرمي الورود قالولو بكل رباطة جاش و بالحرف الواحد "الزميل المحترم ماداموا مازال يتمتع بكل حرياته ماذابيه يمشي يبيع عقار من عقاراتو قبل ما ياخو القانون مجراه و تاخذ عمادة المضامين قرارها و مدامها السيدة متفهمة و قابلة للصلح"...تي مش شي يشرب الكول هذا تي كان العبد هذا "زميل محترم" انا هاني ظهرت "باباصة" على الاقل اخر خاجة "كرفتها" دينار لايت من تاليفون امي..ولى السيدة الي قابلة للصلح تتمنيك على 10 ملاين تونسي للا ؟ تسالو كروية ولا فلوس؟ تي حتى الكروية باهية للغاز و ما تتحقرش ولا بالك سانتا ماريا وانا قلبي اكحل محمم ؟ على كل حال لم و لن ادرك هذا المستوى من التسامح برجولية 193 مليون "سي كالكو شوز" قال القاوري..وهوكا ربي يعرف شيعمل حتى هوة معايا ..الحاصل يا سيدي ضحكو علينا بالصبع واحنا نقولو "يحي العدل" و هوما يا ناري قريب يبكيو على وضعية "زميلهم الفاضل" و "الانذارات القاسية الي وجهوهالو" مع العلم و انهم عادة الي يجي يعفسوا في والديه..اخرتها بسبب تهكماتهم, الي ما وقعتش طبعا مع "زميلهم", ثمة رئيس بلدية طار رغم الي مهوش هوة الي قام بالتجاوزات الي ادلى بيها "نجم" الحلقة الفارطة,و لكن الرئيس الي قبلو...حاصيلو مبعد رهطنا على "الحق" و لا تغرنكم الاستوديوهات الفسيحة و المحامية اللبقة المليحة راهو الشي الى يعديوا فيه فضيحة و سايبوني لا نقول فيها وووه و ترصيلي نلوج في "مضام" ياخولي حقي و نشارك في "لا يحقلك حق" و كمل وحدك عاد


0

Khaoula,el mouléd,la journée mondiale de la femme et...monsieur Tube!

j'ai toujours taché de trouver une certaine relation entre les évènements autour de moi.Aussi futile qu'il soit,j'ai pu trouvé un rapport entre l'anniversaire de "Khaoula",aujourd'hui,la fête mondiale de la femme,demain,et "el mouled" d'après demain.. En effet,Khaoula est une amie à moi qui fête aujourd'hui ses 25 ans.Elle est l'exemple de la jeune fille belle,cultivée,et calme..la femme parfaite pour certains,quoi!Et si elle était femme,c'est que la fête de demain la concerne,oui elle est femme,"trop femme" même!!et vu qu'elle est femme ,laassida est une tâche culinaire qu'elle va accomplir avec une sagesse féminine aussi profonde ! vous voyez?je vous ai dis je trouverai une relation entre eux! Sauf que ce n'est point futile,vous allez voir.C'est,même,à méditer! Est-ce que vous réalisez que la situation de la femme est plus médiocre qu'avant!?Regardez autour de vous,vos mères,vos soeurs,vos femmes,vos amies...Elles doivent s'emmerder a "ta3ssid la3ssida" tout en souriant,ah oui c'est le Mouléd "ahh,c'est saint,c'est obligatoire woh!".Subir des maux au niveau des bras apres a cause du "madlék" et se charger de la vaisselle qui consiste en quelques marmites un peu trop lourdes et énormes!!Pourtant,la veille,juste la veille,comme une imbécile heureuse,elle souriait en écoutant le monde entier lui dire "bonne fete Madame" "vous les femmes vous le charme" "la femme c'est la moitié de la société" "la femme est le paradis terrestre" "on éxige dans notre société la répartition des roles dans le couple et l'égalité entre les deux sexes"... la femme machin...Ou est il Monsieur Tube le jour d'El mouled heiin??il éxistait oui,il était bien là,bien au chaud mangeant sa "sa7fa" en disant "isalém idik ya3tik issa7a" et elle,madame imbécile heureuse,souriait en disant "sa77a!" , soulagée comme si elle a eu le prix Nobel! Mais c'est médiocre ce qui se passe autour de nous!on criait toujours le droit du travail de la femme,et on a eu ce droit et après??vous ne voyez pas des tetes tirées a quatre épingles,tot,le matin,se dirigent vers leurs "postes"??des têtes bien maquillées,et se la jouent fortes!Sachez que derière le maquillage,aussi signé qu'il soit,se cache un visage pâle,fatigué,et épuisé..Cependant,il veut pas l'avouer en plein public,il garde son regret pour lui afin de ne pas dire que c'est un looser!Est ce que vous ne remarquez pas que le travail de ses tetes là,c'est comme il éxistait pour les punir?croyez vous qu'on a eu ce droit grace a nos tetes charmentes??!!ah non,si non on aurait pu atteindre une Vraie égalité avec Monsieur Tube!Sinon pourquoi on paye les frais de laassida toutes seules??ses frais physiques qui s'agit en éffort materiel qu'on supporte (et parfois ca inclue l'argent meme,eh oui monsieur Tube n'est pas forcement galant!) et moral aussi!!(ah oui figurez vous, belle maman Tube et ses petites Melles Tube doivent etre convaincues,sinon tout est tombé dans l'eau, et on stresse a mooort!) .C'est médiocre,non??Mais c'est vrai,on ne peut pas le nier! Chère Madame Tube que vous soyez heureuse d'etre l'élue de monsieur Tube ou pas,tachez s'il vous plait,de ne plus etre hypocrite!vous avez fait preuve que vous etes incapable d'etre l'épouse de monsieur Tube en meme temps que d'etre madame Culture.Ayez,donc,l'amabilité de faire la part des choses,assumez une voie que vous avez choisi.Votre participation au monde professionnel est un de vos droits,oui madame!mais ce n'est point une obligation!votre coté madame Jemila Bali,s'il existe en vous,c'est un don,soyez fière de çela!s'il n'existe pas,ce n'est pas trop essentiel non plus!soyez fière,par exemple,de votre beauté!Absolument!vous êtes belle madame,comme...Khaoula! Madame Tube,Mouldek mabrouk Madame culture,bonne fête de femme,et en avant,pour celles qui me ressemblent...mouledkom mabrouk et bonne fête de femme(et on garde le secret pour nous:p )


2

كفى الله المؤمنين شر ركوب القطار..
عندما يصفر اخر قطار في المحطة يكون صفيره ثقيل بشع مريع على مسامع المرتحل الذي لا يود الرحيل...ولكن اغرم عليه
ينظر الى المسافرين من حوله..يتفحص نظراتهم..يتشوق لرؤية عيون مشابهة لعيون عد اشفارها و قاس المسافة بين الجفن و الجفن فيها..عيون هي الاقدم و الاعظم..عيون حرسته برقابة فلا يجدها
ينهض ثقيل الخطوات هائما ..يعود للتفكير فيحتار بين الصعود و البقاء ماذا يختار؟؟..تصفعه الذكريات فيطرق ..ياخذه الحنين الى العيون الرقيبة..يتذكر ..يتحسر..فيبكي..لا كالنساء بل كالاطفال..يجلس في ركن بعيد ولا يعبؤ بمرور القطار ..فهو لم يقرر يوما السفر..ولكن بقائه سيكون سببا لشقائه..انه شقي لا محالة سيبقى في محطة القطار يوما اخر.ولن يسافر..فتجارب من يعرف مع السفر لم تكن ناجحة..سيقضي عمره في الانتظار الى اندثار حضارة القطار و سيموت تحت انقاض المحطة شانه شان القطط الجائعة التي تزورها باستمرار

0

NON...au tout est relatif!!!
l'humain c'est ce qui m'importe,l'ignorance me vexe,or, ça se soigne,la mythomanie me tue,mais je ne suis pas docteur Phill pour la traiter,donc les mythomanes faites moi plaisir,allez voire ailleurs de mon profil si non je vous emmerderai.la vie me présente diverse choix,j'ai choisi le pire ou bien il m'a choisie,je n'ai aucune idée...l'essentiel c'est qu'on va se combattre! et je sais,je suis convaincue qu'il le faut bien:le combat!
l'amour...est relatif,pour être bel et bien,en cohérence avec la vie qui n'est point éternelle ni en rose comme le dit ma chère Piaf.
l'espoir existe... à conditions!
l'amitié...est un mensonge auquel on croit comme on croit en Dieu sans se poser trop de questions!
la famille..c'est la matière qui la rassemble , et qui,aussi,la sépare...
dans cette médiocrité,on a besoin de nier le "tout est relatif"!

0

كلام اقوله من فرط اسفي ..كل عام والامة العربية في الهيجاء ملقيه
في الليلة الفاصلة بين 2008 و 2009

لم تعد مواجهتنا الفجائع مفاجئة كبيره
بالأمس فجعونا في رجل العراق ..كان فجر عيد..نزعوا البسمة حتى من ثغر الوليد
واليوم غزه تعيش مجزره مشينه
فغدت المواقف و التأويل كثيره
من قناة تدعي الأسف لحال امة نسفت
فتلغي مراسم احتفالها السنوية المخزية الحقيره
وإذاعة توجه هداياها الاحتفالية لصالح مستشفيات تضج بهياكل هزيله
فتسجل سبقا و تخال انها بشواغل الإنسانية خبيره
وناس الغوا برامج سهراتهم البرجوازية الطويله
بدعوى الاحتجاج و الأسى على فلسطين المستضعفة الحزينه
فتخفوا وراء أسوار قصورهم ليبدوا امتعاضهم و ندمهم على تفويت سهرة عظيمه
وقادة اجتمعوا لاتخاذ موقف يوقف أزمة غزه الجريحه
فقرروا..تنظيم مسيره
سحقا لزمن يساند فيه الرجلُ الرجلَ ..بشعار
و بمساندته تلك يفخر فلا يرى فيها جبن و لا عار.
يا صلاح الدين..يا عنترة..يا عمر المختار
هل الأم التي و ضعتكم أصابها العقم بعدكم؟
أم أنكم لا تتجاوزون مجرد أسطورة حاكها الكبار؟
أو تراكم وجدتم بحق..فقط ، من سلالة غير أدميه
فانا لم أجد شبيها لكم فيمن اعرف من الرجال..
ام تراه زمن الرجال ولّى، أسقطه عصر الأوحال؟
اسهر يا عربي وافرح..وبالسنة الجديدة احفل
ونافقينا يا إذاعة واسخري من عقل شغب اخرس
وارفعي اللوم عن اسمك أيتها القناة البائسة واجلي ما كنت ستقدمينه من تفاهة لفرصة افضل
وأنت يا فلسطين..يا دامية يا مظلومه
نوحي وابكي و تصبري و تغنجي..فلك رجالك يصونون عرضك
و يوما ما ستفرحي
وستبقي أنت و شقيقك العراق و بيروت جارتك
وصمة عار في تاريخ كل صهيوني و أيضا..كل عربي
عايش همومك ولم يشد أزرك..
وفي النهاية..وان كان ما سأقوله على الأرجح مخز..
فسأقوله..فالنفاق غير مُجد..
وطني..أمتي..أجدادي و إخوتي...أقولها و قلبي يبكي..
صرت اكره أن أكون إنسانا و عربي..
وا أسفي

0